Capdevilak garaipena eman dio Vila-Reali

Getafek azkar sartu zuen gola, Pedro Leon jokalari gazteari esker, hirugarren minutuan. Baina minutu batzuk pasa eta gero, Capdevila atzelariak gola sartu zuen, emaitzan berdinketa jartzeko.

Berdinketa horrekin ailegatu ziren bigarren zatira, eta hasi bezain laster Canik penaltya egin eta txartel gorria atera zion epaileak. Horren ondorioz Soldadok bigarrena lortu zuen.

Baina, Vila-Realek ez zuen amore eman eta 67. minutuan Cazorlak gola sartu eta berdinketa markagailuan jarri zuen.

Partiduko azken minutuetan, Capdevilak ezusteko gola sartu zuen berriz, eta, honekin, talde castellotarrak garaipena lortu zuen. 90. minutuan Angel Vila-Realeko jokalaria kanporatu zuen epaileak, baina ez zuen inolako eraginik izan.

Emaitza honekin Vila-Realek sailkapenaren erdian egonkortzen doa, gero eta altuago so egiten.